In mein Dama eine gschnien

Griasdeich
Gestan is ma wos saubleds bassiert
Ich hob mir beim Radi hobln in mein Dama gschnien
Und des net schlecht... Fast war as Kappl weg gwen..
So eitz wisst ses
Und eitz kennts me schlong weil i an Radi ghoblt hob...

I hät nan ja a liaba gschnien - oba wann i koa gscheits Messa hob doherin
Geht's net gscheit...

Servus mitanand
Da steandlwech

Heid is a hoaßa Dog

Ja hawedere
Heid is oba a hoaßa dog
Do hauts da an Vogl aussa...
Bei mia im Büro hots scho Siemazwanzggrod
Is des bei eich a so hoaß?

Pfiadeich
Da steandlwech

Testmail

Des is a testmail
Weil i seng wui ob des mit dem Emailsverschigga geht...

Koa Weibats Blues

Koa Weibats-Bluhus

Eits schauts mi mol oo
I sitz wieda doo
D'Gitarr in mein Oam
Bin Jünga net woan
Bin da greislicha net
Vielleicht a wenig bled
Oba des deaf doch nix doa
Des geht heit nimma voa
So füi i den Rythmuhuhuhus
Vom Koa-Weibats-Bluhus

So sing i dann zua
Hob trotzdem koa Ruah
Weils Herzerl druggt
Und mei Zamperl juggt
So geht des dahi
Ganz narrisch machts mi
Doch i ko nix doa
Weil i bin alloa
So sing i als Muhuhuhuhuhuuuus
Den Koa-Weibats-Bluhus
à Solo Peter

Oba oans deafts ma glaum
Des duat mia net daugn
Dats d'Weiba net gebn
Kannt'n d'Manna net leben
Des is so a Muhus
Wia da Koa-Weibats-Bluhus
Drum sog geh hea do eitza
Und gib mir an Kuss
Drum sog i geh hea da sofort
Und gib mir an Kuhus....
àSolo Filip und Pit

So sitz i hold doo
Und wort ma oan oo
Bid d'Richtige kummt
Und as Herzerl brummt
Und wann i sie gspür
Ganz nah neba mia
Wird i fast veruggt
Weil mei Hos'n des druggt
So sing zum Schluhus den eitz hob i
A verdammt schens Weibats Bluhus...
àSolo Lutz

Text und Musik J.R.Vandebilt

A Liadl von uns

Die is oans vo unsre schenstn Liadl...

Da Aussairdische

Wiatz mi obagschickt habts
Voa langa so unenlich langa Zeid
Hobts gsogt es kemmts boid wieda
Und es is boid soweid

Heid glaub i es habts mi vergessn
Wann’s eich übahaubt no gibt
Und wenn’s den Funkspruch eitz heats
Den i eich aufeschick


Lasst’s eich song do herunt is sche
Doch i war eitz lang gnua do
Und eitz mecht i geh, mecht endlich geh
Sog, worauf worts denn no?


Auf dieser gläsernen Erd’n
Den schensten Stern im System
herscht as Fress’n und Gefress’n werd’n
da Kampf ums nockade Überleb’n

Überoi is ois voll Wunda
Zum Überschnapp’n sche
Und d’Mensch’n behandelns wia Plunda
Des duat ma in da Seele so weh


Es hoast du sollst nicht töten
In eahnan heilig’n Buach
Doch mit den vergoss’nan Blaut konnst as’Weltmeer röt’n
Es is wia a böiser Fluach


Am Schönst’n von allem san d’Frauen
Bis ans äusserste End vo da Welt
So wunderbar anzuschauen
Se verkaufan se fia Gaid

Se ham eahnane heilig’n Manna
De verehrn’s überoi
Doch davon weans a ned bessa
Manchmoi frog i mi wos des soi


Lasst’s eich song do herunt is sche
Doch i war eitz lang gnua do
Und i mecht hoam mecht endlich hoam
Worauf worts denn no?
Ja Lasst’s eich song do herunt is sche
Und i bin eitz scho lang gnua do
Und eitz bleib i do, I bleib einfach do
Und des oane sog i eich scho…..


(Wolfgang Kronzucker, 13.05.03)

Hawedere mitanand

des is eitz a bayrischa Blog vo mia

do kriagts gans vui bayrische Sachan

pfüadeich
da
steandlwech